စက်တင်ဘာ ၂၆၊ ၂၀၀၆

နေပြည်တော်လုံခြုံရေးကြောင့် ရန်ကုန်မန္တလေးရထားများ အချိန်ပြောင်း

ရန်ကုန်မန္တလေး လူစီးရထားများကို ယနေ့ (စက်တင်ဘာ ၂၆) မှစ၍ အချိန်စာရင်းပြောင်းလိုက်ကြောင်း ယမန်နေ့က စစ်အစိုးရ၏သတင်းစာများတွင် ဖော်ပြထားသည်။ အချိန်စာရင်းအသစ်အရ ရန်ကုန်နှင့်မန္တလေးမှထွက်သည့် လူစီးရထား အားလုံးသည် နံနက်ပိုင်း ၄ နာရီနှင့် ၉ နာရီအကြားတွင် ထွက်မည်ဖြစ်၍ ညထွက်သည့်လူစီးရထားလုံးဝ မရှိတော့ပေ။

ရန်ကုန်နှင့် မန္တလေးမှ ညဦးပိုင်းထွက်သည့် ရထားများသည် နေပြည်တော်မြို့တော်ကို ညနက်ပိုင်းတွင် ဖြတ်သန်းသွား သည်ဖြစ်ရာ လုံခြုံရေးကို ထိခိုက်နိုင်ဖွယ်အခြေအနေများ ရှိနေသောကြောင့် ယခုကဲ့သို့ အချိန်စာရင်းများ ပြောင်းပစ် လိုက်ခြင်းဖြစ်သည်ဟု ဝေဖန်ပြောဆိုနေကြသည်။

ထိုင်းတွင် ကြက်ငှက်တုပ်ကွေးကြောင့် လူတယောက်ထပ်သေ

ထိုင်းနိုင်ငံအတွင်း လွန်ခဲ့သည့် သြဂုတ်လက သေဆုံးခဲ့သည့် လူတယောက်သည် ကြက်ငှက်တုပ်ကွေး ရောဂါကြောင့် သေဆုံးရခြင်းဖြစ်သည်ဟု ကျန်းမာရေးဆိုင်ရာအရာရှိများက ယနေ့ ထုတ်ပြန်ပြောကြားလိုက်သည်။ သေဆုံးသွားသူသည် တိုက်ကြက်မွေးသူဖြစ်ပြီး တိုက်ကြက်များ ရောဂါရသည်ကို ကိုယ်တိုင်ကုသပေးရင်း ရောဂါကူးစက်ခံရခြင်း ဖြစ်သည်ဟု ဆိုသည်။

စက်တင်ဘာ ၂၂၊ ၂၀၀၆

မြန်မာအစိုးရခေါင်းဆောင်များ၏ စစ်တပ်ရာထူးလွှဲပြောင်းဟု သတင်းထွက်
မြန်မာစစ်အစိုးရ၏ အုပ်ချုပ်ရေးမြို့တော်သစ် နေပြည်တော်တွင် လျှို့ဝှက်ပြုလုပ်သော သုံးလပတ်အစည်းအဝေး၌ ထိပ်တန်းခေါင်းဆောင်နှစ်ဦး၏ စစ်ဘက်ဆိုင်ရာတာဝန်များကို လွှဲပြောင်းပေးလိုက်သည်ဟု သတင်းများ ထွက်ပေါ်နေသည်။

ဗိုလ်ချုပ်မှူးကြီးသန်းရွှေ၏ တပ်မတော်စစ်ဦးစီးချုပ်ရာထူးကို ဗိုလ်ချုပ်ကြီးသူရရွှေမန်းသို့ လည်းကောင်း၊ ဒုတိယဗိုလ်ချုပ်ကြီး မောင်အေး၏ ဒုတပ်မတော်စစ်ဦးစီးချုပ်ရာထူးကို ဗိုလ်ချုပ်သူရမြင့်အောင်သို့လည်းကောင်း လွှဲပြောင်းပေးလိုက်သည်ဟု အေအက်ဖ်ပီသတင်းတွင် ယနေ့ရေးသားဖော်ပြထားသည်။

မြန်မာစစ်အစိုးရသည် လက်ရှိခံယူထားသည့် နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီဟူသည့် အမည်ကို လည်း အသစ်ပြောင်းလဲရန် ပြင်ဆင်နေသည်ဟု သတင်းများ ထွက်နေသည်။ ယင်းအမည်သစ်တွင် ဒီမိုကရေစီဟူသော စကားလုံးပါဝင်သည်ဟု ဆိုကြသည်။

မြန်မာအတိုက်အခံများ အစာငတ်ခံဆန္ဒပြရက် ထပ်တိုး
အမေရိကန်နိုင်ငံ ၀ါရှင်တန်မြို့ရှိ တရုတ်၊ ရုရှ၊ အိန္ဒိယ သံရုံးများနှင့် နယူးယောက်မြို့ရှိ ကုလသမဂ္ဂ ဌာနချုပ်ရုံးရှေ့တို့တွင် ၁၈ ရက်ကြာ အစာငတ်ခံဆန္ဒပြခဲ့သော ဒေါ်အောင်ဆန်းစုကြည်နှင့် မြန်မာပြည်လွတ်မြောက်ရေး နိုင်ငံတကာလှုပ်ရှားမှု ကော်မတီမှ  ဆန္ဒပြသမား ၆ ဦးတို့သည် ၎င်းတို့၏ ဆန္ဒပြရက်သက်တမ်းကို နောက်ထပ် ၉ ရက် ထပ်တိုးလိုက်ကြောင်း ယနေ့ကြေညာချက်ထုတ်ပြန်သည်။

ဆန္ဒပြသမားများ၏ တောင်းဆိုချက်များတွင် ဒေါ်အောင်ဆန်းစုကြည်နှင့် နိုင်ငံရေးအကျဉ်းသား အားလုံးကို လွှတ်ပေးရန်၊ နအဖက အန်အယ်လ်ဒီနှင့် တွေ့ဆုံဆွေးနွေးရေးအတွက် လုံခြုံရေးကောင်စီက အမြန်ဆုံး ဖိအားပေးဆောင်ရွက်ရန်၊ နအဖ ကျူးလွန်ခဲ့သော ဒီပဲယင်း လူသတ်ပွဲအား အမှုမှန်ပေါ်အောင် အမြန်ဆုံး စုံစမ်းဖေါ်ထုတ်ရန်တို့ ပါဝင်သည်။

စက်တင်ဘာ ၂၁၊ ၂၀၀၆

လုံခြုံရေးကောင်စီ ဆုံးဖြတ်ချက်ကို စီအာပီပီ အဖွဲ့က ကြိုဆို
ကုလသမဂ္ဂ လုံခြုံရေးကောင်စီတွင် မြန်မာ့အရေးဆွေးနွေးရန် ဆုံးဖြတ်ခဲ့ခြင်းသည် နိုင်ငံအတွက် အရေးတကြီးလိုအပ် နေသော တွေ့ဆုံဆွေးနွေးရေးမှတဆင့် ဒီမိုကရေစီနှင့် အမျိုးသားပြန်လည်သင့်မြတ်ရေးတို့ ရှေ့ဆက်လုပ်ဆောင်ရန်အတွက် အရေးပါသောကြောင့်ကြိုဆိုထောက်ခံကြောင်း  ပြည်သူ့လွှတ်တော် ကိုယ်စားပြုကော်မတီမှ စက်တင်ဘာ ၂၀ ရက်နေ့က ကြေညာချက် ထုတ်ပြန်လိုက်သည်။

ကြေညာချက်တွင် “မြန်မာဒုက္ခသည်များ အရှေ့တောင်အာရှဒေသတွင် စီးဝင်ပြန့်နှံ့နေခြင်း၊ မူးယစ်ဆေးဝါး ပြဿနာ၊ ခုခံအားကျဆင်းမှု ကူးစက်ရောဂါ အခြေအနေတို့၏ ခြိမ်းခြောက်မှု အန္တရာယ်နှင့် လူအခွင့်အရေး စသည့် အထွေထွေ အကျပ်အတည်းများ အမှန်တကယ် ဖြစ်ပေါ်နေပါသည်” ဟု ဖော်ပြထားသည်။

လုံခြုံရေးကောင်စီအား ကြိုဆိုထောက်ခံသော ပြည်သူ့လွှတ်တော် ကိုယ်စားပြုကော်မတီ၏ ကြေညာချက်ကို စက်တင်ဘာ၂၀  တွင် ထုတ်ဝေ၍ အမျိုးသား ဒီမိုကရေစီအဖွဲ့ချုပ်က တာဝန်ယူ ဖြန့်ဝေခဲ့သည်။

အလုပ်သစ်လုပ်တော့မည့် ထိုင်းဝန်ကြီးချုပ်ဟောင်းသက်ဆင်
စက်တင်ဘာ ၁၉ ရက်နေ့တွင် အာဏာသိမ်းခြင်းခံခဲ့ရသော ၀န်ကြီးချုပ်ဟောင်း သက်ဆင်သည် ယမန်နေ့က နယူးယောက်မှ လန်ဒန်သို့ သွားကာနီးတွင် သတင်းထောက်များနှင့် တွေ့ဆုံပွဲလုပ်ခဲ့ရာ အာဏာသိမ်းခံရမှုကို သူမမျှော်လင့်ခဲ့ပါဟု ပြောဆိုခဲ့သည်။

“ဒီနေရာကို လာတုန်းကတော့ ၀န်ကြီးချုပ်ပါပဲ။ ပြန်ရင်တော့ အလုပ်လက်မဲ့ အနေနဲ့ ပြန်ရပါတော့မယ်” ဟု ၎င်းက ပြောသည်။

စက်တင်ဘာ ၁၅၊ ၂၀၀၆

မြန်မာစစ်အစိုးရက ကလေးစစ်သားများအသုံးပြုနေဆဲ
မြန်မာစစ်အစိုးရသည် ကလေးစစ်သားအသုံးပြုမှုကို တားဆီးရန်အတွက် အဆင့်မြင့်ကော်မတီတရပ်ကို ဖွဲ့စည်းခဲ့သော်လည်း ယခုအချိန်အထိ ကလေးစစ်သားအမြောက်အများကို စုဆောင်းနေသေးကြောင်း လူ့အခွင့်အရေးစောင့်ကြည့်ရေးအဖွဲ့က ယနေ့ပြောကြားလိုက်သည်။

၎င်းကလေးစစ်သားများကို တိုင်းရင်းသားလက်နက်ကိုင်အဖွဲ့များအား တိုက်ခိုက်ရာတွင် အသုံးချခြင်းဖြစ်ကြောင်း ကလေး စစ်သားဖြစ်ခဲ့သူပေါင်း ၅၀ နှင့် တွေ့ဆုံမေးမြန်းရာမှ သိရှိခဲ့ရသည်ဟု ဆိုသည်။ လူ့အခွင့်အရေးစောင့်ကြည့်ရေး အဖွဲ့က ၂၀၀၂ ခုနှစ်တွင် သုတေသနပြုလုပ်ခဲ့ရာ မြန်မာစစ်သား ၂၀ ရာနှုန်းခန့်သည် အရွယ်မရောက်သေးသည့်သူများဖြစ်ပြီး တချို့ စစ်သားများမှာ အသက်၁၁ နှစ်ခန့်သာ ရှိကြောင်းတွေ့ခဲ့ရသည်ဟု ဆိုသည်။

ယခုထုတ်ပြန်လိုက်သည့် နောက်ဆုံး အစီရင်ခံစာတွင်လည်း မြန်မာစစ်တပ်အတွင်း ကလေးစစ်သား စုဆောင်းမှုသည် လွန်ခဲ့သော လေးနှစ်ကာလနှင့် ဘာမှ မထူးကြောင်း ဖော်ပြထားသည်။

မြန်မာနိုင်ငံသည် ကမ္ဘာပေါ်တွင် မြေမြှုပ်မိုင်းအသုံးအပြုဆုံး
မြန်မာစစ်အစိုးရသည် ကမ္ဘာပေါ်ရှိအစိုးရများအနက် မြေမြှုပ်မိုင်းအသုံးပြုဆုံးအစိုးရ ဖြစ်သည်ဟု ဗုဒ္ဓဟူးနေ့တွင် ထုတ်ပြန် လိုက်သော စစ်လက်နက်ဆန့်ကျင်တားဆီးရေးအဖွဲ့အစီရင်ခံစာတွင် ဖော်ပြထားသည်။

ကမ္ဘာပေါ်တွင် မြေမြှုပ်မိုင်းအသုံးပြုသည့် နိုင်ငံဟူ၍ နီပေါ ၊ ရုရှ နှင့် မြန်မာနိုင်ငံ တို့သာ ရှိတော့ကြောင်း၊ မြန်မာနိုင်ငံတွင် အစိုးရဘက်ကရော အစိုးရဆန့်ကျင်သည့်လက်နက်ကိုင်အဖွဲ့များကပါ မြေမြှုပ်မိုင်းကို တွင်တွင်ကျယ်ကျယ်အသုံးပြုနေ ကြောင်း၊ လွန်ခဲ့သည့် ၂၀၀၅ ခုနှစ်တွင် မြေမြှုပ်မိုင်းကြောင့် သေဆုံးသူနှင့် ဒဏ်ရာရသူပေါင်း ၂၃၁ ယောက်ရှိခဲ့ကြောင်း ၄င်းအစီရင်ခံစာက ဆိုသည်။

၁၉၉၇ ခုနှစ်တွင် ရေးဆွဲသည့် နိုင်ငံတကာမြေမြှုပ်မိုင်းတားဆီးရေးစာချုပ်ကို လက်မှတ်မထိုးခဲ့သော မြန်မာစစ်အစိုးရသည် လူကို မိုင်းရှင်းကိရိယာများအဖြစ် အသုံးချနေရာ ယင်းလုပ်ရပ်အတွက်  အလွန်စိုးရိမ်မိသည်ဟု ၄င်းအစီရင်ခံစာတွင် ဖော်ပြထားသည်။ [Top]

စက်တင်ဘာ ၇၊ ၂၀၀၆

ကမ္ဘာ့ကျန်းမာရေးအဖွဲ့၏ အကြီးအကဲရွေးပွဲတွင် မြန်မာတဦး ပါဝင်
ကမ္ဘာ့ကျန်းမာရေးအဖွဲ့ (WHO) ၏ လစ်လပ်နေသော အကြီးအကဲရာထူးအတွက် ရွေးချယ်ရာတွင် နာမည်စာရင်း တင်သွင်း ထားသူ ၁၃ ဦးတွင် ဦးနေဦး အမည်ရှိ မြန်မာလူမျိုးတဦးလည်း ပါဝင်သည်ဟု သိရသည်။ ဦးနေဦးသည် ကုလသမဂ္ဂ အဖွဲ့ကြီးတွင် ၂၅ နှစ်ကြာအောင် အမှုထမ်းခဲ့သူဖြစ်ပြီး လက်ရှိတွင် မြောက်ကိုရီးယား ဆိုင်ရာ ကုလသမဂ္ဂ အထူး ကိုယ်စားလှယ်၏ အကြံပေးအရာရှိအဖြစ် တာဝန်ထမ်းဆောင်နေပါသည်။

စက်တင်ဘာ ၆၊ ၂၀၀၆

အာဆီယံအမတ်များက မြန်မာစစ်အစိုးရကို ဖိအားပေး
အာဆီယံနိုင်ငံများမှ လွှတ်တော်အမတ်များနှင့် နိုင်ငံရေးလှုပ်ရှားသူများက မြန်မာစစ်အစိုးရအား နိုင်ငံရေးပြုပြင်ပြောင်းလဲမှု များလုပ်ရန်နှင့် ဖမ်းဆီးခံထားရသော မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို လွှတ်ပေးရန် အင်ဒိုနီးရှား နိုင်ငံ ဂျကာတာမြို့တွင် ယမန်နေ့က ပြုလုပ်သည့် အစည်းအဝေးတခု၌ တောင်းဆိုလိုက်သည်။

 မြန်မာနိုင်ငံတွင် ဒီမိုကရေစီထွန်းကားရေးအတွက် အာဆီယံနိုင်ငံများကလည်းကောင်း တရုတ် အိန္ဒိယနှင့် ဂျပန်နိုင်ငံများ ကလည်းကောင်း စစ်အစိုးရကို တွန်းအားပေးသင့်သည်ဟု ယင်းအစည်းအဝေးက ပြောကြားလိုက်သည်။

ကချင်ပြည်နယ်တွင် မူးယစ်ဆေးသုံးစွဲသူ ပိုမိုများပြားလာ
ကချင်ပြည်နယ်တွင် မူးယစ်ဆေးဝါးသုံးစွဲသူ ပိုမိုတိုးပွားလာနေပြီး ဆေးသုံးစွဲသူ ၆၆ ရာနှုန်းသည် အသက် ၁၅ နှစ်မှ ၄၀ နှစ် အကြား ဖြစ်ကြောင်း မကြာမီထုတ်ဝေမည့် လေ့လာချက်စာတမ်းတခုက ဆိုသည်။

မူးယစ်ဆေးသုံးစွဲမှုမြင့်တက်လာခြင်းသည် ကချင်ပြည်နယ်အတွင်း မူးယစ်ဆေးထုတ်လုပ်မှု တိုးမြင့်လာခြင်း၊ အလုပ်လက်မဲ့ များပြား လာခြင်း တို့နှင့် ဆက်စပ်နေကြောင်း ၄င်းလေ့လာချက်စာတမ်းက ဖော်ပြထားသည်။

စက်တင်ဘာ ၄၊ ၂၀၀၆

မြန်မာထံမှ ထိုင်းက သစ်ဝယ်မည်
ထိုင်းပရိဘောဂထုတ်လုပ်သူများရင်ဆိုင်နေရသည့် သစ်အခက်အခဲကို ဖြေရှင်းသည့်အနေနှင့် ထိုင်းနိုင်ငံက မြန်မာနိုင်ငံမှ သစ်ဝယ်ယူရေး သဘောတူလက်မှတ်ထိုးရန် ပြင်ဆင်နေပြီး မြန်မာနိုင်ငံအတွင်းတွင် ရာဘာပင်များ စိုက်ပျိုးရန်လည်း စီမံကိန်းရေးဆွဲနေကြောင်း ထိုင်းနိုင်ငံ သဘာဝပတ်ဝန်းကျင် ဆိုင်ရာ ဒုဝန်ကြီး နော့ပါဒွန် ပတ်ထမာက  ထိုင်းနိုင်ငံ၏ ပရိဘောဂလုပ်ငန်းရှင်များနှင့် တွေ့ဆုံဆွေးနွေးရာတွင် ပြောခဲ့သည်ဟု သိရသည်။