အောက်တိုဘာ ၂၇၊ ၂၀၀၆

ဆန္ဒပြုလက်မှတ်ထိုးစာရင်း လိမ်လည်မှုရှိဟု နအဖ ထပ်မံစွပ်စွဲ

၈၈ မျိုးဆက်ကျောင်းသားများ၏ လူထုဆန္ဒပြုလွှာ လက်မှတ်ရေးထိုးလှုပ်ရှားမှုတွင် ၎င်းတို့နှင့် အန်အယ်လ်ဒီအဖွဲ့ဝင်များက လက်မှတ်ထိုးသူများ၏ စာရင်းကို လိမ်လည်ပြခဲ့သည်ဟု ယနေ့ထုတ် စစ်အစိုးရ သတင်းစာက ထပ်မံစွပ်စွဲထားသည်။

ပြီးခဲ့သည့်အောက်တိုဘာ ၂ ရက်နေ့မှ ၂၃ ရက်အထိ ပြုလုပ်သော မင်းကိုနိုင် အပါအဝင် ဖမ်းဆီးခံထားရသော ကျောင်းသား ခေါင်းဆောင်များနှင့် နိုင်ငံရေးအကျဉ်းသားအားလုံး လွှတ်ပေးရန်အတွက် လက်မှတ်ထိုး တောင်းဆိုမှုတရပ်ကို ၈၈ မျိုးဆက် ကျောင်းသားများက ဦးဆောင်၍ပြုလုပ်ခဲ့သည်။ ယင်းလက်မှတ်ထိုးလှုပ်ရှားမှု၌ စုစုပေါင်း လက်မှတ် ၅ သိန်း ၃ သောင်း ကျော်ရရှိခဲ့သည်။

အစိုးရ သတင်းစာတွင် ရန်ကုန် ကျောက်တံတားမြို့နယ်မှ အန်အယ်လ်ဒီ အဖွဲ့ဝင်များသည် ၎င်းတို့ပါတီ၏ တာဝန်ပေးချက် အရ လက်မှတ်ထိုးသူများအား အမည်တုလက်မှတ်တုများဖြင့် စာရင်းလိမ်လည်ပြနေကြခြင်းဖြစ်သည်ဟု ဖော်ပြထားသည်။

အောက်တိုဘာ ၂၄၊ ၂၀၀၆

မြန်မာနိုင်ငံ၏ သတင်းလွတ်လပ်ခွင့် ဆိုးဝါးနေဆဲဟု RSF ကပြော

မြန်မာနိုင်ငံကို သတင်းလွတ်လပ်ခွင့် ဖိနှိပ်မှု အဆိုးဝါးဆုံး နိုင်ငံတနိုင်ငံအဖြစ် ပဲရစ်မြို့အခြေစိုက် နယ်ခြားမဲ့ သတင်းထောက်များအဖွဲ့(RSF) က ၎င်း၏ အစီရင်ခံစာအသစ်တွင်ဖော်ပြလိုက်သည်။

ယနေ့ထုတ်ပြန်သည့် RSF ၏ “သတင်းလွတ်လပ်ခွင့် အညွှန်း” အစီရင်ခံစာက မြန်မာနိုင်ငံကို အဆင့် ၁၆၄ သတ်မှတ်ပြီး ပဉ္စမမြောက် အဆိုးဝါးဆုံးဖြစ်သည်ဟု ဖော်ပြထားသည်။

ယင်းအစီရင်ခံစာအရ ၂၀၀၆ ခုနှစ်တွင် စာနယ်ဇင်းသမား စုစုပေါင်း ၁၁ ဦး ဖမ်းဆီးခံခဲ့ရပြီး ၇ ဦးမှာ ထောင်ချခံခဲ့ ရကြောင်း၊ မြန်မာနိုင်ငံတွင် ဓမ္မရိပ် မဂ္ဂဇင်းမှ ဦးသောင်းစိန်နှင့် ကိုမိုးထွန်းတို့ကို စစ်အစိုးရ၏ မြို့တော်သစ် နေပြည်တော်တွင် ဓာတ်ပုံ ရိုက်မှုနှင့် ထောင်ဒဏ် ၃ နှစ်အပြစ်ပေးခဲ့ပြီး ဒေါင်းမာန် ကဗျာစာအုပ်ထုတ်ဝေသူ လူငယ်များကို ထောင်ဒဏ် ၇ နှစ် မှ ၁၉ နှစ်အထိ အပြစ်ပေးခဲ့ကြောင်းဖော်ပြထားသည်။

အောက်တိုဘာ ၁၇၊ ၂၀၀၆

ထောင်စုနှစ်ဖွံ့ဖြိုးရေး ရည်မှန်းချက်များတွင် မြန်မာနောက်ကျကျန်ရစ်

ကုလသမဂ္ဂက ချမှတ်ရေးဆွဲထားသော စီးပွားရေး၊ ပညာရေးနှင့် ကျန်းမာရေးဆိုင်ရာ ထောင်စုနှစ် ဖွံ့ဖြိုးရေးရည်မှန်းချက် များကို ဖော်ဆောင်ရာတွင် မြန်မာနိုင်ငံသည် အလွန်နောက်ကျကျန်ရစ်နေသည်ဟု ယမန်နေ့က ထုတ်ပြန်သော အာရှ ဖွံ့ဖြိုးရေးဘဏ်၏ အစီရင်ခံစာတွင် ဖော်ပြထားသည်။

အောက်တိုဘာ ၁၃၊ ၂၀၀၆

မြန်မာနိုင်ငံကို ပိုမိုဖိအားပေးရန် ဗြိတိသျှအစိုးရအား တိုက်တွန်း

ဗြိတိသျှအစိုးရသည် မြန်မာစစ်အစိုးရအား နိုင်ငံရေးပြုပြင်ပြောင်းလဲမှုများ ပြုလုပ်လာအောင် မည်သည့်ဖိအားမှပေးခြင်းမရှိ ကြောင်း လန်ဒန်အခြေစိုက် မြန်မာ့အရေးလှုပ်ရှားမှုအဖွဲ့ (Burma Campaign - UK) က စွပ်စွဲပြောကြားလိုက်သည်။

ဗြိတိသျှအစိုးရ၏ နိုင်ငံခြားရေးမူဝါဒတွင် လူ့အခွင့်အရေးနှင့် ပတ်သက်သည့်ကိစ္စကို ဦးစားပေးခြင်း မရှိကြောင်း၊ ယင်းအနေ အထားကို ပြောင်းလဲပစ်ရန်လိုကြောင်း ယမန်နေ့က ထုတ်ပြန်သော မြန်မာ့အရေးလှုပ်ရှားမှုအဖွဲ့၏ “Alternative Human Rights Report တွင် ဖော်ပြထားသည်။

အောက်တိုဘာ ၁၀၊ ၂၀၀၆

အမျိုးသားညီလာခံဖွင့်ပွဲတွင် ကုလသမဂ္ဂကို ဝေဖန်ပုတ်ခတ်

ယနေ့ ပြန်လည်ကျင်းပသော မြန်မာစစ်အစိုးရ၏ အမျိုးသားညီလာခံဖွင့်ပွဲ အခမ်းအနားတွင် ဒုဗိုလ်ချုပ်ကြီး သိန်းစိန်က ကုလသမဂ္ဂ လုံခြုံရေးကောင်စီကို ပြင်းပြင်းထန်ထန် ဝေဖန်ပုတ်ခတ်သည်ဟု အေအက်ဖ်ပီ သတင်းဌာနက ရေးသားသည်။

ညီလာခံဖွင့်ပွဲအခမ်းအနားသို့ တက်ရောက်လာသည့် ကိုယ်စားလှယ် ၁၀၇၅ ဦးကို ဒုဗိုလ်ချုပ်ကြီး သိန်းစိန်က “လုံခြုံရေးကောင်စီအနေနဲ့ လုပ်ပိုင်ခွင့်ဘောင်ကို ကျော်လွန်ပြီး မြန်မာ့ပြည်တွင်းရေးကို ဝင်ရောက်စွက်ဖက်ခြင်း ဖြစ်ပါတယ်”ဟု ပြောကြောင်း ဖော်ပြထားသည်။

အောက်တိုဘာ ၉ ၊ ၂၀၀၆

ဝါရင့်နိုင်ငံရေးသမားများအဖွဲ့က ဗိုလ်ချုပ်မှူးကြီးထံ စာပို့

အောက်တိုဘာ ၇ ရက်နေ့စွဲဖြင့် ဝါရင့်နိုင်ငံရေးသမားကြီးများအဖွဲ့က ဗိုလ်ချုပ်မှူးကြီးသန်းရွှေထံသို့ လိပ်မူ၍ အချက် (၁၁)ချက်ပါဝင်သည့် သဘောထားရပ်တည်ချက်နှင့် အကြံပြုပန်ကြားလွှာကို ပေးပို့လိုက်သည်။

ယင်းပန်ကြားလွှာတွင် လက်ရှိ အာဏာရ အစိုးရ နအဖ ၊ အန်အယ်လ်ဒီနှင့် တိုင်းရင်းသားများ တွေ့ဆုံဆွေးနွေး အဖြေရှာရန်၊ နိုင်ငံရေးကို နိုင်ငံရေးနည်းနှင့် ဖြေရှင်းရန် တိုက်တွန်းထားပြီး၊ နအဖ သတင်းစာတွင်ဖော်ပြခဲ့သည့် အကြမ်းဖက်မှုနှင့် ဝါရင့်နိုင်ငံရေးသမားများအဖွဲ့ ပတ်သက်သည်ဟူသော စွပ်စွဲချက်ကို မဟုတ်မမှန်ကြောင်း ငြင်းဆိုထားသည်။

လတ်တလော ဖမ်းဆီးခဲ့သော မင်းကိုနိုင်နှင့် ၈၈ မျိုးဆက်ကျောင်းသားခေါင်းဆောင်များ၊ ဦးတင်ဦးနှင့် ဒေါ်အောင်ဆန်းစုကြည်၊ ရှမ်းတိုင်းရင်းသားခေါင်းဆောင်များဖြစ်သည့် ဦးခွန်ထွန်းဦးနှင့် ဦးစိုင်းညွန့်လွင်၊ သတင်းစာဆရာ ဦးဝင်းတင်နှင့် နိုင်ငံရေးအကျဉ်းသားများအားလုံးကိုအမြန်ဆုံးပြန်လွှတ်ရန်လည်း  မေတ္တာရပ်ခံ ထားသည်။

ထိုင်းကြားဖြတ်အစိုးရအဖွဲ့ဝင်များ အမည်စာရင်းကြေညာ

ထိုင်းနိုင်ငံ ကြားဖြတ်အစိုးရအဖွဲ့တွင် ပါဝင်မည့် ဝန်ကြီး၂၆ ဦး၏ အမည်စာရင်းကို ဝန်ကြီးချုပ်ဆူရာယု ချူလာနော့က ယနေ့ ထုတ်ပြန်ကြေညာလိုက်သည်။

ကမ္ဘာ့ဘဏ်ဆိုင်ရာ ထိုင်းသံအမတ်ကြီးအဖြစ် တာဝန်ထမ်းခဲ့သူ ကရာ့ကရိုင်ကို ကုန်သွယ်ရေးဝန်ကြီး အဖြစ်လည်းကောင်း၊ အမေရိကန်ဆိုင်ရာ ထိုင်းသံအမတ်ကြီးအဖြစ် တာဝန်ထမ်းခဲ့သူ နီတျာပီဘူဆုန်ဂရမ်ကို နိုင်ငံခြားရေးဝန်ကြီးအဖြစ်လည်းကောင်း ခန့်အပ်လိုက်သည်။

ထိုင်းနိုင်ငံကို တနှစ်ကြာ အုပ်ချုပ်ရမည့် ၄င်းအစိုးရအဖွဲ့သစ်တွင် ပါဝင်သူများသည် အုပ်ချုပ်ရေးပညာကို ကျွမ်းကျင်သူများဖြစ်ပြီး ဂုဏ်သိက္ခာနှင့်လည်း ပြည့်စုံသည့်အတွက် ကောင်းမွန်သည့် ရွေးချယ်မှုဖြစ်ကြောင်း ဘဏ္ဍာရေးဝန်ကြီးအဖြစ် ခန့်အပ်ခံရသူ ဗဟိုဘဏ်အကြီးအကဲ ပရီဒီယာသွန်က ပြောသည်။

အောက်တိုဘာ ၆၊ ၂၀၀၆

ကျောင်းသားခေါင်းဆောင်များကို ပြန်လွှတ်ပေးရန် ဥရောပသမဂ္ဂ တောင်းဆို

လွန်ခဲ့သည့် အပတ်အတွင်း ကျောင်းသားခေါင်းဆောင် ငါးဦးကို ဖမ်းဆီးခဲ့မှုအပေါ် စိုးရိမ်ပူပန်ကြောင်းနှင့် ၎င်းတို့ကို အမြန်ဆုံး ပြန်လွှတ်ပေးရန် ဥရောပသမဂ္ဂက မြန်မာစစ်အစိုးရအား တောင်းဆိုလိုက်သည်။

“မြန်မာနိုင်ငံအတွင်း ငြိမ်းချမ်းသော အမျိုးသားပြန်လည်သင့်မြတ်ရေးနှင့် ဒီမိုကရေစီထွန်းကားရေးအတွက် ကြိုးပမ်း ဆောင်ရွက်နေကြသော သူများ၏ ဆန္ဒကို ဥရောပသမဂ္ဂက လေးစားမြတ်နိုးကြောင်း” ဗုဒ္ဓဟူးနေ့က ထုတ်ပြန်သော ဥရောပသမဂ္ဂ၏ ကြေညာချက်တွင် ဖော်ပြထားသည်။

တွေ့ဆုံဆွေးနွေးခြင်းသည်  မြန်မာနိုင်ငံ၏ တိုးတက်မှုအတွက် မဖြစ်မနေ ဆောင်ရွက်ရမည့် လုပ်ငန်းဖြစ်သည်ဟုလည်း ၎င်းကြေညာချက်တွင် ရေးသားထားသည်။

ရေဘေးဒုက္ခသည်များကို အိမ်ပြန်ခိုင်း

လွန်ခဲ့သောအပတ်က မန္တလေးမြို့တွင် ရေကြီးရေလျှံဖြစ်ခဲ့မှုကြောင့် ကိုယ့်နေအိမ်ကို စွန့်ခွါပြီး စာသင်ကျောင်းများ ဓမ္မာရုံးများသို့ ရွှေ့ပြောင်းနေထိုင်နေရသည့် ရေဘေးဒုက္ခသည် ၃၀၀၀ ကျော်ကို အာဏာပိုင်များက အတင်းအကျပ် အိမ်ပြန်ခိုင်းနေသည်ဟု ဆိုသည်။

“ရေက သုံးပေလောက်မှာ ရှိနေပါသေးတယ် ဒါပေမယ့် အာဏာပိုင်က ကိုယ့်အိမ်ကိုယ်ပြန်ဖို့ ပြောနေပါတယ်” ဟု မန္တလေးမြို့မှ ရေဘေးဒုက္ခသည်တဦးဖြစ်သူ ကိုရွှေမောင်က ပြောသည်။

အောက်တိုဘာ ၅၊ ၂၀၀၆

အိန္ဒိယက မြန်မာစစ်အစိုးရအား လက်နက်များပေး

အိန္ဒိယနိုင်ငံက မြန်မာစစ်အစိုးရအား ပင်လယ်ပြင် ထောက်လှမ်းရေးလေယာဉ်များ၊ လေယာဉ်ပစ် အမြောက်များနှင့် ထောက်လှမ်းရေးကိရိယာများကို ထောက်ပံ့နေသည်ဟု ဆီလီကွန်အင်ဒီယာ သတင်းတွင် ဖော်ပြထားသည်။

၁၀၅ မမ အမြောက်လက်နက်ကြီးများကိုလည်း မြန်မာစစ်အစိုးရအား ပေးခဲ့သည်ဟု အိန္ဒိယ ကြည်းတပ်ဒုစစ်ဦးစီးချုပ်က မကြာမီကပင် မဂ္ဂဇင်းတခုကို ပြောခဲ့သည်။

အောက်တိုဘာ ၄၊ ၂၀၀၆

ကဗျာဆရာမကြီး (ဒေါ်) နုယဉ် ကွယ်လွန်

မြန်မာစာပေလောက၌ ကဗျာဆရာမကြီးအဖြစ် ထင်ရှားသူ (ဒေါ်) နုယဉ်သည် ယမန်နေ့ ညနေပိုင်းက ကွယ်လွန်သွားသည်။ ၁၉၃၆ ခုနှစ်ထုတ် ဒီးဒုတ်ဂျာနယ်တွင် ဆရာမကြီး၏ကဗျာကို ပထမဆုံး ဖော်ပြခဲ့ပြီးသည့်အချိန်မှစပြီး ကဗျာကို အစဉ်တစိုက် ရေးသားခဲ့သည်။ ကဗျာပေါင်းချုပ်စာအုပ်များကို ထုတ်ဝေခဲ့ရာ အမျိုးသားစာပေဆုများ စာပေဗိမာန်စာပေဆုများ ရရှိခဲ့သည်။ ဆရာမကြီးသည် ကဗျာကိုသာမက ပုံပြင်များ ဝတ္ထုများကိုလည်း ရေးသားခဲ့သည်။

အောက်တိုဘာ ၃၊ ၂၀၀၆

ဝန်ကြီးချုပ်ဟောင်းသက်ဆင် ပါတီဥက္ကဌရာထူးကိုစွန့်

လွန်ခဲ့သည့်လက စစ်တပ်မှ အာဏာသိမ်းလိုက်သဖြင့် ဝန်ကြီးချုပ်ရာထူးမှ ပြုတ်ကျသွားခဲ့သော မစ္စတာသက်ဆင်က ထိုင်းရတ်ထိုင်းပါတီ၏ ဥက္ကဌအဖြစ်မှ နှုတ်ထွက်လိုက်ပြီဖြစ်သည်ဟု ပြောရေးဆိုခွင့်ရှိသူတဦးက ပြောသည်။

ပြောင်းလဲနေသော အခြေအနေများကြောင့် ထိုင်းရတ်ထိုင်းပါတီကို ချစ်မြတ်နိုးသူများ ထိခိုက်နစ်နာခြင်းမရှိစေရန် ပါတီဥက္ကဌရာထူးကို စွန့်လွှတ်လိုက်ခြင်းဖြစ်သည်ဟု မစ္စတာသက်ဆင်၏စာတွင် ရေးသားဖော်ပြထားသည်ဟု ဆိုသည်။

အောက်တိုဘာ ၂၊ ၂၀၀၆

ကုလသမဂ္ဂအရာရှိ မြန်မာနိုင်ငံသို့ ထပ်သွားမည်

ကုလသမဂ္ဂ ဒုတိယအတွင်းရေးမှူးချုပ် မစ္စတာဂန်ဘာရီက လာမည့်နိုဝင်ဘာလဆန်းပိုင်းတွင် မြန်မာနိုင်ငံသို့ သွားရောက်ပြီး အဆင့်မြင့်စစ်အစိုးရခေါင်းဆောင်များနှင့် တွေ့ဆုံမည်ဖြစ်ကြောင်း သတင်းထောက်များကို ယနေ့ ပြောကြားလိုက်သည်။

မြန်မာနိုင်ငံအတွင်း လူ့အခွင့်အရေးနှင့် နိုင်ငံရေးလွတ်လပ်ခွင့်များ တိုးတက်လာအောင် ကူညီရန်အတွက် သွာရောက်ခြင်း ဖြစ်ကြောင်းနှင့် မြန်မာစစ်အစိုးရက နိုဝင်ဘာလဆန်းတွင်လာရန် ဖိတ်ခေါ်ထားကြောင်း မစ္စတာဂန်ဘာရီက ပြောသည်။

လွန်ခဲ့သည့် သောကြာနေ့ကပြုလုပ်သော ကုလသမဂ္ဂလုံခြုံရေးကောင်စီ တံခါးပိတ်ကြားနာပွဲတွင် မစ္စတာဂန်ဘာရီက မြန်မာနိုင်ငံတွင်းရှိအခြေအနေသည် အရေးကြီးနေပြီဖြစ်ကြောင်း ပြောခဲ့ပြီး လွတ်လပ်ရေးနှင့် ဒီမိုကရေစီကို ပြန်လည် ဖော်ဆောင်ရန် မြန်မာစစ်အစိုးရခေါင်းဆောင်များအား တိုက်တွန်းခဲ့သည်ဟု ဆိုသည်။

ထိုင်းဝန်ကြီးချုပ်အသစ် ကျမ်းကျိန်

ကာကွယ်ရေးဦးစီးချုပ်ဟောင်း ဗိုလ်ချုပ်ကြီးဆူရာယု ချူလာနော့က ထိုင်းနိုင်ငံ၏ ၂၄ ဦးမြောက် ဝန်ကြီးချုပ်အဖြစ် တနင်္ဂနွေ နေ့တွင် ကျမ်းသစ္စာကျိန်ဆိုပြီးနောက် ကျင့်ဝတ်သီလနှင့် ပြည့်စုံသော ကြားဖြတ်အစိုးရအဖွဲ့ကို နောက်တပတ်အတွင်း ဖွဲ့စည်းမည်ဟု ပြောကြားသည်။

ဝန်ကြီးချုပ်သစ်က သူ၏ အစိုးရအဖွဲ့အတွက် အသိပညာနှင့်ပြည့်စုံပြီး ဘက်လိုက်မှုမရှိသော သူများကို ရွေးချယ်မည်ဖြစ် ကြောင်း၊ နိုင်ငံရေးပြဿနာနှင့် ထိုင်းနိုင်ငံ တောင်ပိုင်းတွင်ဖြစ်ပွားနေသည့် အကြမ်းဖက်ပြဿနာများကို အဓိကဦးစားပေး ဖြေရှင်းသွားမည်ဖြစ်ကြောင်း ပြောဆိုသည်။