ဇွန်လ ၂၉၊ ၂၀၀၆

တာချီလိတ်မြို့မှ ကုန်စုံဆိုင်အနီး ဗုံးပေါက်ကွဲမှုဖြစ်ပွား
ထိုင်း-မြန်မာနယ်စပ်ရှိ တာချီလိတ်မြို့မှ အခါဈေးအနီး ကုန်စုံဆိုင်ရှေ့ လမ်းမပေါ်တွင် ဇွန် ၂၈ ရက်နေ့ည ၉ နာရီ ၄၅ မိနစ်ခန့်က ဗုံးပေါက်ကွဲမှု ဖြစ်ပွားခဲ့သည်။ ဗုံးပေါက်ကွဲမှုကြောင့် ထိခိုက်ဒဏ်ရာရသူ မရှိသော်လည်း ကုန်စုံဆိုင် မျက်နှာစာထောင့်အခြမ်း အနည်းငယ်ပျက်စီးခဲ့ကြောင်းနှင့် စုံစမ်းစစ်ဆေးမှုများပြုလုပ်နေကြောင်း တာချီလိတ်ရဲစခန်းမှ တာဝန်ရှိသူတဦးက ဧရာဝတီသို့ ပြောသည်။

မြန်မာနိုင်ငံသား မူးယစ်မှောင်ခို ၁၀ ဦးအား ထိုင်း-မြန်မာနယ်စပ်မြို့များတွင် ဖမ်းဆီးခဲ့
ထိုင်း-မြန်မာ နှစ်ဘက်အာဏာပိုင်တို့ပူးပေါင်း၍ မယ်ဆိုင်နှင့် တာချီလိတ်မြို့များမှ မြန်မာနိုင်ငံသား မူးယစ်ဆေးမှောင်ခို ၁၀ ဦးကို ဇွန် ၂၈ ရက်နေ့က ဖမ်းဆီးခဲ့သည်။ အဓိကတရားခံ ဝမ်ချိုင်း (၄၃ နှစ်) သည် လွတ်မြောက်နေဆဲ ဖြစ်သည်။ 

မြန်မာဘက်မှ တာချီလိတ်ဈေးအနီးရှိ မူးယစ်မှောင်ခိုတို့၏နေအိမ်ကို ဝင်ရောက်နှိမ်နင်းစဉ် ယာဘစိတ်ကြွဆေးထုတ်သည့် စက်အပါအဝင် စိတ်ကြွဆေးပြား ၉၀၀၀၊ စိတ်ကြွဆေးရည် လီတာ ၂၀၊ စိတ်ကြွဆေးမှုန့် ၁၀ ကီလိုအား တရားခံ ၇ ဦးနှင့် အတူ ဖမ်းဆီးနိုင်ခဲ့သည်။ ထိုင်းနိုင်ငံ မယ်ဆိုင်မြို့မှ ဝမ်ချိုင်း၏နေအိမ်ကိုလည်း ထိုင်းအာဏာပိုင်တို့က ဝင်ရောက်နှိမ်နင်းခဲ့ရာ တရားခံ ၃ ဦးအား ထပ်၍ ဖမ်းဆီးနိုင်ခဲ့သည်။ ဖမ်းဆီးရမိသော သက်သေခံပစ္စည်း စုစုပေါင်းတန်ဖိုးမှာ ထိုင်းဘတ်ငွေ သန်း ၂၀ ဖြစ်သည်။

ဇွန်လ ၂၈၊ ၂၀၀၆

အလုပ်သမားမှတ်ပုံတင်ပြုလုပ်ပြီးသူများ ဘဏ်စာရင်းဖွင့်နိုင်
ထိုင်းအစိုးရအလုပ်သမား ဝန်ကြီးဌာနက ထိုင်းနိုင်ငံတွင်း တရားမဝင် ဝင်ရောက်အလုပ်လုပ်ကိုင်နေသော နိုင်ငံခြားသား အလုပ်သမားများကို ဇွန်လ (၃၀) ရက် နောက်ဆုံးထား၍ အလုပ်သမား မှတ်ပုံတင်ကတ်ပြားပြုလုပ်ပေးလျက်ရှိပြီး မှတ်ပုံတင်ပြုလုပ်ပြီးကြောင်း အထောက်အထားပြနိုင်သော အလုပ်သမားများသည် ဘန်ကောက်ဘဏ်တွင် ဘဏ်စာရင်း ဖွင့်နိုင်ကြောင်းသိရသည်။

(၂၃) ကြိမ်မြောက် ထိုင်း-မြန်မာ နယ်ခြားကော်မတီအစည်းအဝေးကျင်းပ
ထိုင်းနိုင်ငံ ချင်းမိုင်မြို့၌ ဇွန်လ ၂၈ ရက်တွင် စတင်ကျင်းပမည့်  နှစ်ရက်ကြာ ထိုင်း-မြန်မာ နယ်ခြားကော်မတီ အစည်းအဝေး သို့ မြန်မာနိုင်ငံမှ တြိဂံဒေသစစ်ဌာနချုပ် တိုင်းမှူး ဗိုလ်ချုပ်မင်းအောင်လှိုင် ဦးဆောင်သည့် တိုင်းမှူများနှင့် ထိုင်းနိုင်ငံဆိုင်ရာ မြန်မာသံအမတ်ကြီး၊ စစ်သံမှူး၊ ကာကွယ်ရေးဝန်ကြီးဌာန၊ နိုင်ငံခြားရေးဝန်ကြီးဌန နှင့် ပြည်ထဲရေးဝန်ကြီးဌာနများမှ တာဝန်ရှိသူများ တက်ရောက်ကြပြီး ထိုင်းနိုင်ငံ ဘက်မှ အမှတ်(၃)တပ်မဟာမှူး ဒု ဗိုလ်ချုပ်ကြီး   စပရန်း ကလေရန်နမ်မစ် နှင့် အရာရှိ ၄၈ဦး၊ လေ့လာသူ ၃၀ဦး ပါဝင်တက်ရောက်ကြောင်းသိရသည်။ ယင်းအစည်းအဝေးတွင် ထိုင်း-မြန်မာ နယ်ခြားပြဿနာများ နှင့် ကပ္ပလီပင်လယ်ငါးဖမ်းဧရိယာ ပြဿနာများကို ဆွေးနွေးမည်ဟုသိရသည်။ (NLM)

ဟတ်ကြီးရေကာတာစီမံကိန်းကို တရုတ်နှင့်ထိုင်း ဖက်စပ်လုပ်မည်
မြန်မာနိုင်ငံ သံလွင်မြစ်ပေါ်တွင် ဆောက်လုပ်မည့် ဟတ်ကြီး ရေအားလျှပ်စစ်ရေကာတာ စီမံကိန်းကို တရုတ်နိုင်ငံ စီနိုဟိုက်ဒရိုကော်ပိုရေးရှင်းနှင့် ထိုင်းနိုင်ငံလျှပ်စစ်စွမ်းအင်ထုတ်လုပ်ရေးအာဏာပိုင်အဖွဲ့ (EGAT) တို့ဖက်စပ်လုပ်မည်ဖြစ် ကြောင်း ယနေ့ထုတ် နေးရှင်းသတင်းစာတွင်ဖေါ်ပြထားသည်။ အမေရိကန် ဒေါ်လာ ၁.၂ ဘီလီယံ ရင်းနှီးမြှုပ်နှံမည့် ယင်းစီမံကိန်းမှ တနှစ်လျှင် လျှပ်စစ်ဓာတ် ကီလိုဝပ် ၆၀၀၀၀ ထွက်ရှိမည်ဖြစ်ပြီး ထိုင်းနိုင်ငံသို့ ၂၀၁၃ ခုနှစ်တွင် လျှပ်စစ်စတင်ပို့ပေးမည် ဟုဆိုသည်။ (The Nation) [Top]

ဇွန်လ ၂၇၊ ၂၀၀၆

ကမ္ဘာ့ပါလီမန်အမတ်များက မြန်မာကို အရေးယူရန် တောင်းဆို
ကမ္ဘာ့နိုင်ငံပေါင်း ၃၄ နိုင်ငံမှ လွှတ်တော်အမတ် ၅၀၃ ဦးက မြန်မာနိုင်ငံအား အရေးယူဆုံးဖြတ်ပေးရန် ပန်ကြားလွှာ တစောင်ကို စုပေါင်းလက်မှတ်ရေးထိုးပြီး ကုလသမဂ္ဂလုံခြုံရေးကောင်စီဝင်များထံသို့ တနင်္လာနေ့က ပေးပို့လိုက်သည်။
“မြန်မာနိုင်ငံအတွင်း မတည်ငြိမ်သော အခြေအနေများသည် ပိုမိုတိုးပွားလာနေရာ မြန်မာပြည်သူလူထုအတွက်သာမက နိုင်ငံတကာငြိမ်းချမ်းရေးနှင့် လုံခြုံရေးအတွက်ပါ ဘေးအန္တရာယ်ဖြစ်နေပြီဟု ယုံကြည်ကြောင်း၊ ထို့ကြောင့် ကုလသမဂ္ဂ လုံခြုံရေးကောင်စီအနေနှင့် ငြိမ်းချမ်းစွာဖြေရှင်းရေးအတွက် ဆုံးဖြတ်ချက်တရပ်ချမှတ်ပေးရန် တာဝန်ရှိပါကြောင်း” စသည်ဖြင့် ယင်းပန်ကြားလွှာတွင် ရေးသားထားသည်။ ယင်းပန်ကြားလွှာကို ကုလသမဂ္ဂအထွေထွေအတွင်းရေးမှူးချုပ် ကိုဖီအာနန်ထံလည်း ပေးပို့သည်ဟု သိရသည်။

သြစတေးလျက မြန်မာဒုက္ခသည်များကို လက်ခံမည်
သြစတေးလျအစိုးရက ထိုင်းမြန်မာနယ်စပ်ရှိ မယ်လစခန်းမှ ဒုက္ခသည် ၁၄၀၀ ကို လက်ခံလိမ့်မည်ဟု ကရင်ဒုက္ခသည် ကော်မတီက ဧရာဝတီသို့ ပြောသည်။ သြစတေးလျ လူဝင်မှုဝန်ကြီး အာမန်ဒါ ဗန်စတုံးကလည်း မယ်လစခန်းမှ ဒုက္ခသည် များကို သြစတေးလျ နိုင်ငံက လက်ခံမည်ဟု ပြောကြောင်း သြစတေးလျအသံလွှင့်ဌာန (Australian Broadcasting Corporation) က သတင်းထုတ်လွှင့်သွားသည်။

ငှက်ဖျားရောဂါပိုး မျိုးသစ်တခုကြောင့် အိန္ဒိယတွင် လူ ၅၀ ကျော် သေဆုံး
ငှက်ဖျားရောဂါပိုး မျိုးသစ်တခုကြောင့် အိန္ဒိယနိုင်ငံအရှေ့ပိုင်းဒေသရှိ အနောက်ဘင်္ဂလားပြည်နယ်တွင် ဇန်နဝါရီလမှစပြီး လူပေါင်း ၅၅ ယောက်သေဆုံးကာ ၁၈၀၀၀ ကျော် ရောဂါဝေဒနာခံစားခဲ့ရသည်ဟု ကမ္ဘာ့ကျန်းမာရေးအဖွဲ့(World Health Organisation) နှင့် ပြည်နယ်အစိုးရတို့က တနင်္လာနေ့တွင် ထုတ်ပြန်ပြောဆိုလိုက်သည်။ မြန်မာနိုင်ငံတွင် စတင်လာခဲ့သည့် ကြောက်မက်ဖွယ်အကောင်းဆုံး ဖယ်စီပရမ် (Falciparum) ငှက်ဖျားရောဂါပိုး မျိုးသစ်တခုကြောင့် ဤကဲ့သို့ ငှက်ဖျားရောဂါများ ပိုမိုဖြစ်ပွားလာရကြောင်း၊ ယင်းမျိုးသစ်သည် ဆေးဝါးကို ခံနိုင်ရည်ရှိနေကြောင်း ဆေးဝါးဆိုင်ရာ အရာရှိများက ပြောသည်။ [Top]

ဇွန်လ ၂၆၊ ၂၀၀၆

ကုလသမဂ္ဂက မြန်မာအရေးကို ပိုမိုကိုင်တွယ်ရန် ထိုင်းနိုင်ငံခြားရေးဝန်ကြီးပြော
မြန်မာနိုင်ငံကို ဒီမိုကရေစီနိုင်ငံအဖြစ်သို့ ကူးပြောင်းရေးတွင် ကုလသမဂ္ဂအဖွဲ့ကြီးအနေနှင့် ပိုမိုကြီးမားသော အခန်းကဏ္ဍမှ
ပါဝင်ရန် ထိုင်းနိုင်ငံခြားရေးဝန်ကြီး ကန်တာသီဆူပါမုန်ခွန်က ဇွန်၂၃ ရက်နေ့က တိုက်တွန်း လိုက်သည်။ သို့သော် မြန်မာနိုင်ငံအား အာဆီယံမှ ထုတ်ပစ်ရန်ကိုမူ သဘောမတူကြောင်း၊ အဆက်ဖြတ်ပစ်ခြင်းထက် ဆက်ဆံနေခြင်းက ပိုကောင်းကြောင်း၊ အာဆီယံအဖွဲ့ဝင်များသည် မြန်မာနိုင်ငံတွင် ဒီမိုကရေစီစနစ် ပေါ်ထွန်းရေးအတွက် စုပေါင်းကူညီိ လိုကြောင်း သူက ပြောသည်။ မြန်မာစစ်ဗိုလ်ချုပ်များ အနေနှင့် သူတို့ပေးမည့်အကူအညီကို လက်ခံရန်လည်း သူက တိုက်တွန်းပြောကြားလိုက်သည်။ (VOA)

ငွေမည်းခဝါချသည့် နိုင်ငံစာရင်းတွင် မြန်မာတနိုင်ငံတည်းသာကျန်
ငွေမည်းခဝါချခြင်းကို တိုက်ဖျက်သည့်လုပ်ငန်း၌ ပူးပေါင်းဆောင်ရွက်ခြင်းမရှိသည့် နိုင်ငံများစာရင်းတွင် မြန်မာတနိုင်ငံ တည်းသာ ရှိတော့သည်ဟု နိုင်ငံတကာငွေကြေးကိစ္စပူးပေါင်းဆောင်ရွက်ရေးအဖွဲ့တခုဖြစ်သည့် FATF (Financial Action Task Force ) က ဇွန်လ ၂၃ ရက်နေ့တွင် ပြောကြားလိုက်သည်။ မြန်မာနိုင်ငံအနေနှင့် ယင်းစာရင်းမှ ပယ်ဖျက်ခံရဖို့အတွက် ပြုပြင်ပြောင်းလဲမှုများ ဆက်လုပ်ရဦးမည်ဖြစ်ကြောင်း၊ မြန်မာအစိုးရသည် ပြုပြင်မှုများ ပြုလုပ်ခဲ့သော်လည်း မည်သည့် အတိုင်းအတာအထိ ပြုပြင်ခဲ့ကြောင်းကို အကဲဖြတ်ရန် FAFT က အဖွဲ့တဖွဲ့ စေလွှတ်ဖို့ စဉ်းစားနေကြောင်းလည်း ပြောသည်။ ယင်းအကဲဖြတ်အဖွဲ့အား မည်သည့်အချိန်တွင် စေလွှတ်မည်ကိုမူ တိတိကျကျ ပြောကြားခြင်း မရှိပေ။ [Top]

ဇွန်လ ၂၃၊ ၂၀၀၆

မြန်မာကို အာဆီယံမှ ထုတ်ပစ်လျှင် ပိုကောင်းမည်ဟု ထိုင်းအမတ်ကပြော
မြန်မာစစ်အစိုးရ၏ လူ့အခွင့်အရေးချိုးဖောက်မှုများကြောင့် အာဆီယံသည် ကမ္ဘာ့ဆွေးနွေးပွဲများတွင် သင့်မြတ်မှန်ကန်စွာ ပါဝင်ဆောင်ရွက်နိုင်ခြင်းမရှိဘဲ ဖြစ်နေကြောင်း၊ မြန်မာနိုင်ငံကို အဖွဲ့ဝင်အဖြစ်မှ ထုတ်လိုက်လျှင် ဖြစ်စေ၊ ဆိုင်းငံ့ထားလျှင် ဖြစ်စေ ယင်းအခက်အခဲများကို လျော့ပါးစေမည်ဖြစ်ကြောင်း ထိုင်းလွှတ်တော်အမတ် ခရိုင်ဆတ် ချွန်ဟာဝမ် က မနေ့က ပြောကြားလိုက်သည်။ မြန်မာစစ်အစိုးရသည် ဒီမိုကရေစီလမ်းပြမြေပုံကို လေးလေးနက်နက် လိုက်နာခြင်းမရှိကြောင်း၊ လက်ရှိအနေအထားမှ ပြောင်းလဲမည် မဟုတ်ကြောင်း၊ တကယ့်အမှန်တရားကို ကြည့်ရှုရန်အချိန်ကျပြီဖြစ်ကြောင်း သူက ဝေဖန်ပြောဆိုသည်။

ပျဉ်းမနားတွင် အိမ်ကြီးကြီးဆောက်ခွင့်မပေးတော့
စစ်အစိုးရ၏ အုပ်ချုပ်ရေးမြို့သစ်ဖြစ်သည့် နေပြည်တော်မြို့တော်အနီးရှိ ပျဉ်းမနားတွင် အိမ်သစ်များ ဆောက်လုပ်ပါက မျက်နှာစာ ၂၂ ပေထက် ပိုမကျယ်ရန်နှင့် နှစ်ထပ်ထက် ပိုမမြင့်ရန် အာဏာပိုင်များက အမိန့်ထုတ်ထားသည်ဟု သိရသည်။ လက်ရှိဆောက်လုပ်ဆဲ အိမ်တချို့ မှာ ယင်းကန့်သတ်ချက်နှင့် မညီညွတ်သည့်အတွက် ပြန်လည်ပြုပြင်ပေးရသည်ဟု မြို့ခံတဦးက ဆိုသည်။

မာလာမုန်တိုင်းဒဏ်သင့်သူများအတွက် ရန်ပုံငွေရှာ ကဗျာရွတ်ပွဲကျင်းပ
မာလာမုန်တိုင်းဒဏ်ခံခဲ့ရသူများနှင့် ကြံခင်းမြို့ရေဘေးဒဏ်ခံခဲ့ရသူများအတွက် ရန်ပုံငွေရှာသည့် ကဗျာရွတ်ပွဲတခုကို ရန်ကုန် မစ္စတာဂီတာစားသောက်ဆိုင်တွင် ယနေ့နေ့လယ် တနာရီအချိန်မှ သုံးနာရီအထိ ကျင်းပခဲ့ကြောင်း သတင်းရရှိ သည်။ “ဝန်တင်လိပ်ပြာ” ဟု အမည်ပေးထားသော ယင်းကဗျာရွတ်ပွဲကို ပန်းချီဆရာနေမျိုးဆေးက ကမကထပြု ဆောင်ရွက်ပြီး ကဗျာဆရာများ နှင့် အခြားအနုပညာရှင်များ ပါဝင်တက်ရောက်ခဲ့သည်ဟု သိရသည်။ [Top]

ဇွန်လ ၂၂၊ ၂၀၀၆

ကေအိုင်အိုဥက္ကဌသစ် ရွေးချယ်
ဇွန်လ ၁၉ ရက်မှ ၂၁ ရက်နေ့အထိ ကျင်းပသည့် ကချင်လွတ်မြောက်ရေးအဖွဲ့ (ကေအိုင်အို) ၏ ဗဟိုကော်မီတီ အစည်းအဝေးတွင် လစ်လပ်နေသော ဥက္ကဌနေရာအတွက် ဒုဥက္ကဌ လညော်ဇောန်ခရာ (၇၂နှစ်) ကို ရွေးချယ် တင်မြှောက်လိုက်သည်။ ကေအိုင်အို၏ ဖွဲ့စည်းပုံအရ လညော်ဇောန်ခရာသည် ကချင်လွတ်မြောက်ရေးတပ်ဖွဲ့ (ကေအိုင်အေ)၏ စစ်ဦးစီးချုပ်အဖြစ်လည်း ဆောင်ရွက်မည် ဖြစ်သည်။ [Top]

ဇွန်လ ၂၁၊ ၂၀၀၆

ထိုင်းအစိုးရက မြန်မာထံမှ လျှပ်စစ်ဝယ်မည်
ထိုင်းလျှပ်စစ်ဝန်ကြီးဌာနက မြန်မာနိုင်ငံ ဟတ်ကြီးရေလှောင်တမံမှ ထုတ်လုပ်မည့် လျှပ်စစ်ဓာတ် ၆၀၀ မီဂါဝပ်ကို ၀ယ်ယူရေးအတွက် ကြိုတင်ညှိနှိုင်းသဘောတူစာချုပ်တရပ်ကို ဇွန်လကုန်ပိုင်းတွင် ရေးထိုးမည်ဖြစ်ကြောင်း၊ ၎င်းလျှပ်စစ် ဓာတ်ကို ၂၀၁၄ ခုနှစ်တွင် ရရှိရန် မျှော်လင့်ထားကြောင်း ထိုင်းအရာရှိတဦးက ဇွန်လ ၂၁ရက်နေ့တွင် ပြောကြားသည် ။ (The Nation)

ကနေဒါက မြန်မာဒုက္ခသည် ၈၀၅ ယောက်ကို လက်ခံမည်
မြန်မာဒုက္ခသည် ၈၀၅ ယောက်ကို လက်ခံကူညီမည်ဖြစ်ကြောင်း ၊ ဆိုးဝါးသော အခြေအနေ အောက်တွင် မရေမရာ စောင့်ဆိုင်းနေရသောသူများကို ကြိုဆိုလက်ခံရေးသည် ကနေဒါနိုင်ငံ၏ လူသားချင်းစာနာ ထောက်ထားသည့် အစဉ်အလာ တွင် အပါအ၀င်ဖြစ်ကြောင်း ကနေဒါ လူဝင်မှုဝန်ကြီး မွန်တီဆိုးလ်ဘာ့ဂ်က ကမ္ဘာ့ဒုက္ခသည်များနေ့ကျရောက်သည့် ဇွန်လ ၂၀ ရက်နေ့က ပြောကြားသည်။ (CTV News)

အိန္ဒိယနှင့်မြန်မာ ပူးပေါင်းဆောင်ရွက်မှုတိုးမြှင့်ရေး ဆွေးနွေး
မြန်မာနိုင်ငံသို့ရောက်ရှိနေသော အိန္ဒိယနိုင်ငံခြားရေးဝန်ကြီးရှီယမ်ဆရမ်သည် မြန်မာဒုနိုင်ငံခြားရေးဝန်ကြီး ဦးကျော်သူနှင့် တွေ့ဆုံပြီး လုံခြုံရေး၊ စွမ်းအင်၊ကုန်သွယ်ရေး၊ စီးပွားရေး နှင့် အခြေခံအဆောက်အဦ စီမံချက်များကို ပိုမိုပူးပေါင်း ဆောင်ရွက်ရန် ဆွေးနွေးနေကြသည်။ အိန္ဒိယက မြန်မာနိုင်ငံစစ်တွေမြို့တွင် ဒေါ်လာသန်း ၁၀၀ ကျော်ကုန်ကျမည့် ဆိပ်ကမ်းတခုကို တည်ဆောက်ပေးမည်ဟုလည်း  အိန္ဒိယကုန်သွယ်ရေး ၀န်ကြီး ဂျိုင်ရမ်ရာမက်ခ်ျက ဇွန်လ ၁၉ ရက်နေ့က ပြောကြားခဲ့သည်။ (India Enews , Zee News)

[Top]